Kapag Wala sa Lugar

Nahuli na ba kayo ng pulis dahil sa Jaywalking? O kaya'y na-suspend sa trabaho dahil kahit hindi lunch break, labas ng labas at kain ng kain? May gusto ka bang sabihing mabuti sa iba pero nagalit pa sila sayo nang sabihin mo ito?

Kapatid, WALA KA SA LUGAR.  

Maraming gulo at perwisyo sana ang maiiwasan kung marunong tayong lumagay sa lugar. Ang laking pahirap kaya sa isang estudyante kung mali ang course na napasok niya. Kahit ang mga planeta sa Solar System ay may kanya-kanyang lugar. Tamang oras ng pag-ikot, pag-galaw, pagkilos.

God loves order so much that He made a strict schedule when the sun will rise and when the moon will grace its dim light shine. Ayaw niya ng magulo, labo-labo, baboy baboy, walang kaayusan. Lahat ng bagay ay nilikha ng Panginoon ayon sa kanyang karunungan. May dahilan bakit ang ilong mo ay pinagigitnaan ng iyong mga mata at bibig. Kung bakit hindi humahaba ang iyong mga pilik-mata tulad ng paghaba ng iyong buhok sa ulo. Ang pangit nun kung sakali di'ba? Isipin mo na lang, kung ang ilong mo ay inilagay katabi ng iyong kili-kili, aba'y perwisyo habang buhay yon kung sakali!

May nakita na ba kayong taong gumamit ng martilyo sa paglilinis ng tenga? Masakit sabihin, ngunit parang wala sa tamang kaisipan ang gagawa nuon. Bagay na madalas mangyari sa atin, kapag tayo ay kumikilos ng wala sa lugar.

Heto ka at mahal na mahal mo ang pag-awit, e yung pag-awit e wala talagang pagtingin sa'yo kahit katiting. Kahit saang event gusto mo kumanta, nagvo-volunteer ka pa. E talagang di' magdadalawang isip yung mga katabi mong barilin ka. Gustong-gusto mo maging basketball player, e ang talent mo pala nasa gardening. Prisinta ka ng prisinta magluto, e mas magaling ka pala sa pag-memekaniko. Madalas kasi ay nakatingin tayo sa iba, yung meron ang iba na wala tayo. Kung anung meron ang iba yun ang ginagaya. Umunlad si Pacquiao sa boxing, lahat na gusto mag-boxing. Matatangos ang ilong ng mga americans at europeans, lahat na gusto matangos ang ilong! E sadyang nilikha ng Dios tayong mga pilipino na hindi katangusan, ayaw niyo nun, mas malaki ang sagap ng hangin - mas madaling huminga?! Ang init-init sa pinas, pero todo longsleeves ka. Uso e - Korean novela ang dating! Minsan nakakatawa. Kadalasan nakakainis. Wala sa lugar.

Even in expressing our feelings, kahit tama at mabuti ang motibo, nagiging mali kung wala sa tamang oras sabihin at gawin. Nabibigyan ng maling kahulugan. "Sinabi ko na nga yung totoo sa kanya, nagalit pa! Bakit kaya?" Wala sa timing. Andaming good and wholesome jokes na imbes makapag-pasaya ay nagiging cause pa ng tampuhan at pagkapahiya, dahil ginawa o sinabi ito ng wala sa lugar. May mga instances nga na maganda ang hangarin mo, pero wala sa tamang lugar kaya  nauuwi pa sa di magandang pangyayari. Tumatawid yung kaibigan mo sa kalsada, tinawag mo para i-greet siya, napalingon siya at hindi nakita ang dumadaan na truck ng basura, nawalan ka ng kaibigan ng wala sa oras.

We should always be aware of WHAT to say and WHEN's the right time to say it. Lumagay sa lugar.

Our vast capabilities, when misused, would end up resulting immeasurable harm.

Matuto tayong hanapin kung sino at anong meron tayo. Ano ang mga kakayanan natin. Anong mga talent ang pinagkaloob sa atin ng Dios. Alisin na natin ang "gaya-gaya" system na ating nakagawian. God has put unique abilities and potentials in each and every person he created. Ang kailangan lang, alamin natin kung ano ang mga yon.

Huwag ipagsiksikan ang sarili sa isang lugar na hindi para sa'yo. Mahirap tumubo ang buto na itinanim sa batuhan. Itanim mo ito sa tamang lugar at makikita mo, hindi lamang ito tutubo, hitik pa itong mamumunga.

Go! Find the RIGHT PLACE God has given you!